Првиот Moj Prilep Meetup во Coworking Prilep

На 2 октомври 2026 година, Coworking Prilep беше домаќин на првиот Moj Prilep Meetup, средба создадена за луѓе кои сакаат активно да придонесат за подобар град.

Целта беше едноставна: да се запознаеме во живо, да споделиме идеи и да видиме кои проекти можеме да ги придвижиме заедно. Разговаравме за тековните иницијативи на Moj Prilep, но и за нови проблеми, предлози и можни решенија што ги донесоа присутните.

Од онлајн разговор до вистинска соработка

Добрите идеи полесно стануваат реалност кога луѓето ќе седнат на иста маса. Средбата покажа дека во Прилеп има енергија, знаење и желба за промена. На едно место се поврзаа луѓе со различни искуства, но со иста цел: подобар и поактивен Прилеп.

Особено ни беше драго што присуствуваа млади луѓе кои сакаат да учат, да предложат проект или да се вклучат во нешто корисно за градот.

Погледнете ја најавата за првиот Meetup на Instagram и фотографиите и впечатоците по средбата.

Простор за следната идеја

Coworking Prilep не е само место за работа. Сакаме да биде точка во која локалните заедници, компании и поединци ќе можат да се сретнат, да разменат знаење и да создадат нешто вредно.

Ако организирате работилница, средба, презентација или настан во Прилеп, контактирајте нè за да го разгледате просторот и можностите за организација.